34 r:...sunder du solt mit den andern dreyen ewangelisten mit got wandern auf der erden und betrachten und bedencken seyne gepurt und seyn leyden welcher stuck sind ayn und zwayntzig: dye siben stuck: yn seynem anhebenden leben. syben yn seyner wanderung und dye ersten siben sind. zu demselben wye (?) gabriel jn seiner müter marie verkundet. und wye er entpfangen ward das ander wye er geporn ward und den hyrten verkündiget wart das drit wy er beschniten ward. das vyerd wye er sich mit dem sterne den heyligen dreyen königen offenbaret das funfft wye er yn dem tempel geopfert wart das sechst wye er yn egyptum getragen und gefluchtiget wart das sibent wye er erzogen von kinthayt was und yn dem tempel von seyner lyeben mutter und Josepf gefünden wart. und das got den menschen untertenig und gehorsam was das erst von den andern siben wye er von sant johans taufft ward das ander wye er von dem feynd behort (bekort?)
34 v: wart das drit wye er den veynt uberwand das vyerd was er yn der welt zu den jüden und phariseyern saget das fünft wye er von eyner stat zu der anderen wanderet das sechst wye er prediget das sibent wye er zaychen und wunder werck thet mit lamen. plinden kranckenn und töten das erst von dem dritten sibenden ist von seynem abent essen (am Rand:mit den) jüngern und was da geschach das ander wye er petet seynen hymlischen vater an. und schwitzet wasßer und pluot das drit er von den juden gefangen ward. geschlagen und gepunden. und von seynen jungern verlassen das vyerd wye er yn annas cayphas pilates herodes haus verspottet ward das funft wye er seyn creutz trug und dar unter fyel das sechßt wye er starb. das sibent wye er begraben ward diß mögest du tag und nach (am Rand: und nacht) bedencken und unter weylen mit maria wandern yn und auß egypten: und yr helfen yr kind dragen und mit yr reden.---
---
Keine Kommentare:
Kommentar veröffentlichen