33r:...ynn mercken mogest ist: ob dir dein sünd von hertzen layd sind. und woltest ee sterben ee du eyn todliche sund thun woltest das ander des (?) du gantzen fursatz habst furbaß dye sund zu vermeyden das dritt das du geren von got hörest: und leßest: das vyrd das du willig und perayt seyst zu allen guten wercken dye zu volpringen wann dye lyeb gottes will nit mussig seyn das funft das dir das eyn leyden sey. das du sehest eynen andern yn den wercken gottes nit arbayten als SANT AUGUSTIN sagt wer nicht betrubt wurt so er seynen eben cristen sihet übel thün: yn dem ist dye lyeb gottes nicht: sihe dich auch fur so du allayn pist das dich der poß gayst nit on arbayt find: das er dich nit mit yn vall (darübergeschrieben: ein vellen) pößer gedenck beköre. oder poße yn (darüber: ein) vell eyn gebe wan du dann alßo alleyn pist: soltu denn mit andacht peten: und wan du arbaitest
33 v: solt du got nit vergessen wann ynn DEUTERONOMIO stet geschriben sihe dass du gottes nymmer vergessest aber das wir yn (darüber: zü) allen zeyten gottes mit ynnigkait nicht können gedencken oder peten. so sollen wir doch allen fleyß dar zu thün. und nemen der gnaden von ym als vil als vil (sic!) er uns dann geben will. wann dy gnad zu haben ist nit yn unßer macht: sunder yn seyner: wan on yn mügen wir nichtz gutz gethon: doch alles gut haben wir von seyner gnaden: und alle übel und sunde von uns selber: und zu allen zeyten sind wir zu uns selber genaygt wilt du dann deyn hertze yn got setzen und seyn gedencken. so solt dü dich nit zu hoch erheben. sünder du solt dich furchten du solt auch nit gedencken das du pald mit SANT JOHANNES EVANGELISTEN der dem adler geleychet wart. wellest yn den hymel flyegen. und dy heymlichen verporgen ding sehen der heyligen drivaltighait (-kayt?) das wenig menschen verhenget wirt:...
---
thün, dü u.ä.: sprich: thun/ thuon; du
---
Keine Kommentare:
Kommentar veröffentlichen