CGM 800: "VON MÜHEN UND PLAGEN": TEIL 5

FOL. 208 recto:
"verdirbt wider rechte beschaidenhait die ain muter des hails ist und die ding alle sind unser prechen in der wir offt törlich thuen zw unserm schaden und über daz also haben wir in uns selber aigen muet ainen steten (?) streit allso daz der geist albeg wider den leichnam ist und das fleisch wider die sel und die sündlikait (?) wider die vernufft als wir es täglichen wol entpfinden wie gar voller prechen und kranckhait wir sein wann als wenig nyemant an söllichen prechen ist allso ist nyemant lang an krackhait seins leichnams wann es thuen uns ettwan die augen wee oder die zeen (?) oder uns smerzen die oren oder die naßlöcher oder und thuet das haubt wee oder der magen oder die lentt oder die seiten oder der ruck oder die fueß oder die arm oder die prüst wir wernn (werden?) auch ettwan gehindert an den zwayen stetten unseres natürlichen täglichen außgangs davon man offt groß leiden tragen mueß uns peinigen auch offt geswer auß drieß plater und andre sölliche ding allso peinigt uns auch offt hunger durst und der sclaff in dem wir ettwan von natürlicher hicz und von des teuffels anweigung zw pöser gestalt und unsauber ding angefochten werden wir sein auch ettwan swär und verdrossen ettwan unmütig und zornig und in manigerlay weiß entprist unß albeg ettwas von hüsten und snarchen und von außwerffung des munds uns peinigen auch ettwan haimliche ding des pluets da von wir uns (?) an manigen steten iucken müessen und nicht mügen übrig sein wir mügen auch mercken unser aigne snöde unsau-"
---
anweigung=Versuchung, Anfechtung, s.o.
---
1.) Vermessenheit des Menschen; törichtes Verhalten; führt zu Schaden
2.) Streit Körper-Geist; mangelnde Vernunft
3.) zahlreiche Krankheiten: niemand ist lange gesund!
4.) Aufzählung von Beschwerden (körperliche, geistige); Anfechtung durch den Teufel!
---
EREC