SAND BENEDICTUS redt in seiner regel in dem xxxiii capitel und spricht. vor allen dingen die sundt der aigenschafft soll abgeschnitten werden und außgerewt also daz nyemant nichcz soll nemen noch gewen an urlaub der prelaten und soll auch nichcz haben aigens noch kaynerlay guet weder taffel noch sal (?) noch piecher noch aigen willen und gewalt des geleichen ander heiligen vätter als SAND AUGUSTIN SAND BERNHART in iren regeln auch schreiben und verpietten allso daz nicht allain sündt ist aigenschafft zw haben geistlich person sunder auch zw nemen als SAND AUGUSTIN in seiner regell die vil ringer ist dann SAND BENEDICTEN regell die peutt yr süllt nichcz aigens nemen pesunder alle ding untter euch süllen gemain sein als man list in dem puech der werck der yn poten (?) über dise wort spricht HUMBERTUS der grosse maister auß leger der regel SAND AUGUSTIN welliche geistliche person mit verdachten muet und fürsacz spricht daz zw pehalten daz ist mein die selb person sund tödlich peschiecht es aber (?) auß unverdachten muet und auß leichtfertikait der gewonhait so sundet man leslich ytem der heilig pabts INNOCENCIUS DER VIERT der redt wider die aigenschafft in dem capitel zum (?) monasterium und spricht wir verpietten...
---
mhd. eigenschaft=Besitz, Eigentum, Eigentümlichkeit, Eigensinn!
Humbertus:=Humbertus a Romanis: De tribus votis substantialibus religiosorum.
---
Keine Kommentare:
Kommentar veröffentlichen